ВИДЕО | Богоевски: ВМРО-ДПМНЕ ја бојкотира цела држава затоа што не и се допаѓаат резултатите од изборите, штетата е врз граѓаните

Павле Богоевски/Фото: Слободен печат

Павле Богоевски, поранешен пратеник и граѓански активист ја коментираше стратегија на активен бојкот на Собранието од страна на опозициската ВМРО-ДПМНЕ која најави и нови мерки за блокада на институциите.

– ВМРО-ДПМНЕ ја бојкотира Северна Македонија уште од 2016-та година кога не ги признаа резултатите и не дозволи формирање на парламентарно мнозинство со месеци, па знаеме како заврши тоа. Овој активен и официјален бојкот е само признавање на тоа што го прават со години претходно, затоа што Собранието беше блокирано долго време и пред ВМРО-ДПМНЕ да најави дека оди во бојкот, изјави во Утрински брифинг Павле Богоевски, граѓански активист и поранешен пратеник.

Денеска се очекува Извршниот комитет на ВМРО-ДПМНЕ на седница да анализира досегашните резултати од четиридневната блокади и ќе ги дискутира наредните чекори од бојкотот.

– Не знам што ќе биде вечерва, претпоставувам дека ќе си се чукаат во рамо и ќе си се фалат колку успешно успеале да ја блокираат државата и најзначајните институции во неа и тоа во најголемата криза која што е запамтена во изминатиот пола век. И не очекувам ништо повеќе тоа, додава Богоевски.

Според него разликата е во тоа што едно е да не се признава институција, а сосема друго е да се блокира цела држава затоа што не ви се допаѓаат резултатите од изборите.

– ВМРО-ДПМНЕ ја блокира цела држава заради тоа што не и се допаѓаат резултатите од изборите, а сето тоа оди на штета на граѓаните, смета Богоевски.

Тој ги анализираше и резултатите од последата анкета на ИПСОС која покажа дека ВМРО-ДПМНЕ има речиси двојно поголем рејтинг како и барањето на најголемата опозициска партија за предвремени парламентарни избори.

– Крајно време е партиите да се разбудат и да сфатат дека сами, ниту ВМРО-ДПМНЕ ниту СДСМ не можат да освојат или да опстојат на властПолитичката стапица во 21 век е популизмот и политичкиот екстремизам. Така ВМРО-ДПМНЕ добија локални избори. Да не ме сфатите пограшно, имаше и катастрофални резултати кај дел од градоначалниците на СДСМ, не можеме да го негираме тоа и заслужено беа променети, но барем во Скопје не беше таков случајот. Најодговорно го гарантирам тоа. Предизвикот на 21 век е граѓанска и политичка едукација на луѓето, заклучува Богоевски.

Целиот разговор погледнeте го во видеото:

Видео на денот