ВИДЕО | Барселона го совлада Реал и го одбрани Суперкупот на Шпанија
Фудбалерите на Барселона го совладаа Реал Мадрид денеска со 3:2 во финалето на шпанскиот Суперкуп во натпревар одигран во Џеда, Саудиска Арабија.
Препорачано
Првиот гол беше постигнат во 36 минута кога Рафиња ја доведе Барселона во водство. Винисиус спектакуларно израмни за Кралскиот клуб во втората минута од судиското продолжение, откако претходно се ослободи од неколку играчи на Барса, а само две минути подоцна Левандовски му донесе ново водство на каталонскиот тим. Сепак, резултатот остана нерешен на полувремето откако Гонзало Гарсија постигна гол за Реал во шестата минута од судиското продолжение.
Рафиња ѝ донесе ново водство на Барселона во 73 минута, откако неговиот удар од работ на шеснаесетникот беше одбиен од Асенсио и го измами Куртоа.
Тоа се покажа како одлучувачки гол, иако Реал Мадрид имаше предност на теренот во последните минути откако Френки де Јонг беше исклучен.
Со својот триумф во големото дерби, тимот на Ханси Флик, како и минатата сезона, повторно го освои шпанскиот Суперкуп, по 16 пат во историјата на клубот.
