Актуелниот германски и европски шампион по само 26. минути игра имаше водство од 0:2, но на крајот го претрпе вториот пораз сезонава.

Баварците одлично го започнаа натпреварот, со головите на Роберт Левандовски во 20. минута од пенал и на Леон Горецка во 26. минута поведе до 0:2.

Во тие моменти изгледаше дека Баерн ќе забележи уште една рутинска победа и тоа против конкурент за највисок пласман, се случи пресврт. Домашниот тим до крајот на полувремето успеа да дојде до израмнување благодарение на Јонас Хофман кој во 36. и 45. минута го совлада Манел Ноер.

На стартот од второто полувреме, во 49. минута. преку Флоријан Нојхаус, Борусија поведе до 3:2 и најави големо изненадување.
До крајот на натпреварот фудбалерите на Баерн ја презедоа иницијативата но не успеаја да најдат начин да го совладаат голманот Зомер по трет пат. И покрај поразот, Баерн остана лидер на табелата со 33 бода, два повеќе од Лајпциг кој има и натпревар помалку, додека Борусија Менхенгладбах се наоѓа на седмото место со 24. бода.