Денеска фудбалерите на Атлетико Мадрид на домашен терен убедливо со 3:0 го совладаа тимот на Севиља во 11 коло од најквалитетното шпанско првенство.

Гол серијата на „јорганџиите“ ја очна Алварез од пенал во 64 минута, а во 77 минута предноста ја зголеми Алмада.

Гризман го постави конечниот епилог во 90 минута по асистенцијата на Алмада.

Тоа беше 200 гол за искусниот француски напаѓач Антоан Гризман во Ла Лига, вклучувајќи ги и настапите за Барселона и Реал Сосиедад. Воедно Гризман неодамна прослави 200 гола за Атлетико Мадрид во сите натпреварувања.

На табелата Атлетико после третиот триумф во низа е на четвртото место со 22 бодови, пет помалку од водечкиот Реал Мадрид кој има меч помалку.

Севиља која пак го претрпе третиот пораз во низа е на 11 место со 13 бодови.