Филип Арсеновски е херојот на Тинекс Пролет на гостувањето против Мулти Есенс откако донесе победа од минимални 31-32, за победничко деби на клупата на новиот тренер Александар Јовиќ.

Арсеновски буквално во последната секунда обезбеди важен триумф и уште еден чекор напред кон плејофот во македонската ракометна Супер лига.

Играчите на Мулти Есенс погодија со цепелин за 31:31, но нивната беше празна, па Арсеновски со погодок од половина терен во последната секунда ги израдува своите тимски колеги на Тинекс Пролет.

Арсеновски беше најефикасен кај победникот со осум гола, шест постигна Мајнов. На спротивната страна Димовски седумпати се запиша во листата на стрелците.

На табелата во групата „Б“ Тинекс Пролет е на четвртата позиција со 18 бодови, додека Мулти Есенс е на седмата позиција со шест.

Во групата „А“ се одигра еден меч, Струга славеше против Скопје 2020 со 29:38. Струга е на четвртата позиција во генералниот пласман со 18 бодови, додека Скопје 2020 е претпоследен со два бодови.