Арсенал после скоро 10 години дочека победа на „Стемфорд Бриџ“, вечерва во лондонското дерби во 36 коло од Премиер лигата славеше кај Челси со минимални 0:1.

Стрелец на единствениот гол беше Емил Смит Роу во 16 минута од средбата и така за првпат од сезоната 2003/2004 Арсенал двапати излегува како победник во меѓусебните дуели против лондонските „сини“.

Во еден од своите напади Челси двапати ја погоди пречката, најпрвин Курт Зума, а потоа и Оливие Жиру.

Претходно првата шанса домаќините ја имаа преку Мејсон Маунт, а голот на Кристијан Пулишиќ беше поништен поради офсајд.

Челси остана на 64 бодови и ја држа четвртата позиција која води во Лигата на шампионите, додека Арсенал со 55 бодови е на осмото место и во последните две кола му претстои борба за пласман во Лига Европа со Вест Хем (58), Ливерпул (57), Тотенхем (56) и Евертон (55), со тоа што двата тима од Ливерпул имаат два натпревари помалку од Арсенал.