Фудбалерите на Арсенал вечерва го совладаа Барнли со 1:0 на домашен терен во 37 коло од Премиер лигата.

Играчите на Микел Артета го контролираа натпреварот, а Барнли немаше ниту еден удар кон голот на Давид Раја ниту во првото ниту во второто полувреме.

Лондонскиот тим поведе во 37 минута кога Каи Хаверц ја искористи асистенцијата на Букајо Сака и погоди за 1:0. Голот можете да го погледнете ТУКА

До крајот немаше закани кон голот на Арсенал, а „Топџиите“ имаа неколку шанси мирно да го завршат мечот и да го зголемат своето водство.

Арсенал е прв на табелата во Премиер лигата со 82 бода од натпревари, втор е Манчестер сити со 77 бодови од 36 мечеви.

Следниот дуел играчите на Пеп Гвардиола ќе го имаат во вторник на гостувањето кај Борнмут.

Доколку Сити ги добие двата преостанати натпревари, Арсенал ќе треба да победи во последното коло за да ја освои титулата, бидејќи во таков случај Сити ќе има подобра гол-разлика.

Барнли е на 19 место во Премиер лигата со 21 бод и ќе игра во Чемпионшип следната сезона.

Својот последен меч оваа сезона, Арсенал ќе го има на гости кај Кристал палас на 24 мај, а истиот ден Сити ќе ја пречека Астон Вила.