Владата денеска на седница треба да ја донесе одлуката за 10-процентно ограничување на маржите во трговијата на мало и големо. Одлуката, според најавите, ќе важи до 30 април и ќе опфаќа над 100 групи производи.

– Покрај основните прехранбени производи одлуката ќе вклучува и средства за хигиена, бебешка храна и непрехранбени производи кои имаат многу висока маржа, а се дел од основните потреби на граѓаните. Премиерот кажа дека оваа мерка ќе доведе до драматично намалување на цените на дел од производите, што јас многу би сакал да се оствари, но се сомневам дека тоа ќе биде така. Трговците покажаа до сега имаат поголем број на механизми да се снајдат во вакви ситуации и да го обезбедат посакуваниот профит и може да се случи некои производи да поскапат па пота да им се ограничува маржата – вели новинарот на Слободен печат, Срѓан Ивановиќ.