Артан Груби е на пат да добие отказ по цели 13 години работен ангажман на Тетовскиот универзитет. Според објаснувањето на претставниците на Правниот факултет на универзитетот, отказот на работното место следува по неколкудневното отсуство на професорот, без тој да даде појаснување за неговото непојавување.

– Артан Груби повеќе не е професор, бидејќи не се појавил неколку дена на работа. Е сега треба да се провери колку пати отсуствувал во изминатите 13 години, односно дали секогаш бил достапен за студентите, во што искрено се сомневам. Тој во изминативе години беше владин функционер, да не заборавиме дека беше прв вицепремиер, тоа му носеше многу обврски и беше присутен во медиумите, па мислам дека едноставно немал време да оди и да предава во Тетово. Откако се најде на црната листа на амерканскиот Стејт департмент, од Груби прво започнаа да се оградуваат неговите сопартијци од ДУИ, па останати блиски луѓе, за тоа да продолжи и со најавениот отказ од Тетовскиот универзитет. Точно е дека тој е во бегство, бидејќи е недостапан за Обвинителството кое поднесе кривична пријава против него, односно е недостапен за органите на прогонот, но мора да се почитуваат и неговите права и да се остави простор дека Артан Груби можеби е невин – вели новинарот на Слободен печат, Срѓан Ивановиќ.