ВИДЕО | Американската војска уништи уште еден брод осомничен дека превезува дрога во Пацификот
Американската војска вчера погоди уште еден брод во источниот Пацифик, кој бил сомнителен дека транспортира дрога, при што се убиени две лица, пренесе АП.
Препорачано
Американската јужна команда објави видео на социјалните мрежи, на кое се гледа како бродот плови по вода пред да биде погоден, а во последните неколку секунди од видеото се гледа оган и чад.
On May 27, at the direction of #SOUTHCOM commander Gen. Francis L. Donovan, Joint Task Force Southern Spear conducted a lethal kinetic strike on a vessel operated by Designated Terrorist Organizations. Intelligence confirmed the vessel was transiting along known narco-trafficking… pic.twitter.com/qKvSjxpk3P
— U.S. Southern Command (@Southcom) May 28, 2026
Американските сили вчера извршија и напад врз брод за кој се тврди дека транспортира дрога во Источниот Пацифик, при што загина еден човек, а двајца други останаа живи. Американската јужна команда соопшти дека веднаш ја известила американската крајбрежна стража да активира систем за пребарување и спасување на преживеани.
Кампањата на администрацијата на претседателот Доналд Трамп, насочена кон бродови за кои се тврди дека се вклучени во трговија со дрога во латиноамериканските води, вклучително и во Источниот Пацифик и Карипското Море, трае од почетокот на септември минатата година, а во овие акции се убиени најмалку 196 луѓе. Војската не достави докази дека некој од погодените бродови всушност транспортирал дрога, објавува АП.
Администрацијата на Трамп вели дека САД се во војна против латиноамериканските наркокартели, за кои вели дека се одговорни за фаталните предозирања со дрога што влијаат на многу американски заедници.
Минатата недела, надзорниот орган на Пентагон изјави дека ќе процени дали американската војска ги следела утврдените процедури при спроведување рации врз бродови за кои се тврди дека шверцуваат дрога. Рамката за дејствување се состои од пет фази што вклучуваат намера на воениот командант, развој на целта, анализа, одлука, имплементација и евалуација.
Пентагон изјави дека тие самите ја иницирале истрагата и дека не се разгледува легалноста на тие напади, кои се доведуваат во прашање од некои демократски пратеници и военоправни експерти.
