Еден маж беше убиен од американските сили за време на насочен напад врз брод за кој се сомневаше дека шверцувал дрога, кој пловел во меѓународни води во Источниот Пацифик, објави рано утрово американската јужна команда, пренесува Си-ен-ен.

Според официјалното ажурирање, објавено на платформата Икс, имало информации дека бродот превезувал нелегални дроги и се движел по една од најозлогласените поморски рути на меѓународната трговија со дрога во регионот на Источниот Пацифик.

On Dec. 22, at the direction of @SecWar Pete Hegseth, Joint Task Force Southern Spear conducted a lethal kinetic strike on a low-profile vessel operated by Designated Terrorist Organizations in international waters. Intelligence confirmed the low-profile vessel was transiting… pic.twitter.com/LGzEaQSTiR

— U.S. Southern Command (@Southcom) December 23, 2025

Во истата објава беше објавено и видео од 24 секунди, на кое е снимен моментот на нападот, кога бродот е погоден и експлодира во морето.

Најмалку 105 лица се убиени во напади врз бродови за кои се сомнева дека пренесуваат дрога, како дел од кампањата наречена Операција „Јужно копје“, за која администрацијата на Трамп вели дека има за цел да го спречи шверцот со дрога. Американската војска неодамна погоди два брода за кои се сомнева дека пренесуваат дрога во источниот дел на Тихиот Океан минатата недела, при што загинаа пет лица.

САД ги зголемија своите воени акции во Јужна Америка во последните месеци, фокусирајќи се на Венецуела, нација која претседателот Доналд Трамп ја обвини за кражба на американска „нафта, земјиште и други средства“.

САД запленија уште еден танкер во Венецуела