Американската морнарица потврди дека се урнало нејзиното најскапо извидувачко беспилотно летало, „Ем-кју-4Ц Тритон“, над Ормускиот Теснец, што претставува значаен оперативен неуспех во услови на зголемени тензии со Иран, објави НДТВ.

Според извештаите, дронот изгубил висина во текот на мисијата пред да се урне во Персискиот Залив и е прогласен за целосна загуба. Со оглед на тоа што само ограничен број од овие напредни системи се во употреба, инцидентот се очекува да ги оптовари американските надзорни капацитети во една од најчувствителните геополитички зони во светот.

Иако првичните индикации укажуваат на технички дефект, истрагата сè уште е во тек.

Америка вели дека целосно ја парализирала поморската трговија на Иран

Вреден приближно 240 милиони долари, „Тритон“ е платформа на голема височина и со долг домет, способна да остане во воздух повеќе од 24 часа и да обезбедува континуирани разузнавачки податоци во реално време во клучни поморски зони.

„Ем-кју-4Ц Тритон“ е најголемото и најспособното извидувачко беспилотно летало на американската морнарица, дизајнирано да надгледува огромни океански области без прекин од екстремна височина.