Аманда Бајнс ги сподели со обожавателите резултатите од слабеењето што ги постигна со помош на Оземпик, популарен лек за дијабетес. Поранешната детска ѕвезда откри дека ослабела околу девет килограми и се надева дека ќе ослабе уште 23 килограми за да ја достигне својата целна тежина, пишува „Дејли мејл“.

Бајнс, детално го опиша своето петмесечно искуство со лекот на Инстаграм во среда, признавајќи дека почетокот не бил лесен. Таа објасни дека откако почнала да го зема Оземпик во форма на апчиња во јуни, на почетокот се здебелила. „Досега ослабев околу 9 килограми. Навистина сум возбудена поради тоа, искрено. Исто така, сакам да ослабам уште 23 килограми“, рече актерката.

„Сега имам околу 74 килограми. Всушност, се здебелив со таблетата Оземпик – се здебелив од 78 на 82 килограми. Но, успеав да ослабам девет килограми, од 82 на 74 килограми, со инјекцијата Оземпик.“ Таа додаде: „Навистина ми е мило што ја примам инјекцијата, навистина ми помага. И се обидувам да ослабам уште само за да се чувствувам слаба и слатка. Затоа ќе продолжам да земам Оземпик.“

Нејзината трансформација доаѓа само неколку месеци откако објави уште еден неочекуван потег во кариерата. Во април, таа откри дека отвора профил на платформата „Онлифенс“, но нагласи дека нема да објавува експлицитна содржина, туку ќе ја користи страницата исклучиво за комуникација со фановите.

„Го користам „Онлифенс“ за да разговарам со моите фанови преку директни пораки. Нема да објавувам несоодветна содржина. Возбудена сум што ќе се приклучам“, напиша таа во тоа време. Таа наплаќа повеќе од 50 долари месечно за пристап до нејзиниот профил, каде што моментално споделува селфиња.

Извори блиски до актерката тврдат дека Бајнс сака да ја користи платформата „Онлифенс“ за да зборува за своето искуство од работата на Nickelodeon. Одлуката доаѓа една година по објавувањето на експлозивниот документарец „Тишина на снимање“, кој ја разоткри токсичната средина во мрежата. „Аманда е уверена дека „Онлифенс“ ќе ѝ донесе сериозни пари“, изјави извор за „Дејли мејл“.