Екипата на Веспрем ја освои шампионската титула во Унгарија, откако со 34-36 ја победи екипата на Пик Сегед и со 2-0 во финалната серија го совлада „вечниот ривал“.

Пик Сегед имаше одличен старт и во првото полувреме водеше и со пет гола разлика (17-12), но избраниците на тренерот Чави Пасквал не се предадоа. До паузата Веспрем успеа да ја намали негативата, а во вториот дел постепено ја презеде контролата и направи целосен пресврт.

Најефикасен во составот на Веспрем беше Хешам кој стрелаше осум пати, додека пак Пешмалбек беше стрелец на седум погодоци.  Кај ПИК Сегед по шест гола постигнаа Род, Шоштариќ и Банхиди.