АМСМ информира дека сообраќајот на граничниот премин Евзони (ГП Богородица), на излез од земјава кон Република Грција, е повторно блокиран почнувајќи од 17:00 часот.

Поради протестите на грчките земјоделци, најфреквентниот граничен премин меѓу Македонија и Грција од минатата недела е блокиран повеќепати дневно по неколку часа. Во исто време, земјоделците блокираат и гранични премини кон Бугарија и Турција.

Останатата состојба на државните патишта е непроменета, велат од АМСМ. Сообраќајот се одвива непречено, по суви коловози низ целата земја.