Oткако пред недоамна Вардар го потврди Горзад Михајлов за наследник на Александар Васоски денес и официјално го промовираше.

Михајлов на денешната прес-конференција потврди дека целта ќе биде опстанок во елитната конкуренција и планира неколку засилувања во јануарскиот преоден рок.

„Трансфер пазарот почнува на 15 јануари. Ќе се обидеме да обезбедиме квалитетни, пред сè домашни, но и странски фудбалери. На дел од играчите ќе им се заблагодариме за досегашниот придонес. Очекувам да одиграме квалитетно во вториот дел од сезоната и да го обезбедиме посакуваниот опстанок. Ќе атакуваме на секој бод на сите 15 натпревари. Верувам во тимот, ги знам дел од играчите и мислам дека со засилувањата ќе направиме стабилен и респектабилен Вардар“, изјави новиот предводник на црвено-црните.

Покрај Михајлов промовиран беше и новиот стручан штаб во кои се: Маријан Герасимовски – помошник тренер, Теодор Терзиев – кондиционен тренер и Бојан Димковски – тренер на голманите. Влатко Колев кој е поранешен фудбалер на Вардар е назначен за нов спортски директор.