Вардар денеска напладне замина за Нови Сад кад еутре го игра реванш четвртфиналниот меч од СЕХА-Газпром лигата против Војводина. На првиот меч „црвено-црните“ победија со 38-25.

Имаат црвен-црните солидна предност од првиот натпревар, но тренерот Владо Недановски порача дека мораат да бидат претпазливи

„Немаме многу време за одмор бидејќи сега имаме набиен распоред на натпревари. Вчера игравме домашно првенство, сабајлево трениравме и веднаш заминуваме за Нови Сад. Имаме голема предност од првиот натпревар, но без разлика на тоа ќе бидеме максимално фокусирани на натпреварот со Војводина.

Тие во Скопје играа со комбиниран тим, но не знаеме како ќе биде сега. На секој меч одиме со мисла да победиме. Во Нови Сад ќе бидеме без Борко Ристовски, Стојанче Стоилов и Дарко Ѓукиќ. Нема што многу да менуваме во играта, треба само да го наметнеме нашето темпо. Секако ќе добијат шанса сите да играат“.

Пласман на завршниот турнир во СЕХА денес обезбеди Еурофарм Пелистер кој славеше уште една убедлива победа против Татран Прешов.