Фудбалската федерација на Македонија (ФФМ) информира дека Ванче Шиков веќе не е дел од стручниот штаб на најдобрата македонска фудбалска репрезентација

Селекторот Гоце Седлоски во наредниот период дополнително ќе одреди замена на неговата позиција.

– Му благодариме на Ванче Шиков за досегашниот ангажман и придонесот во работата со националниот тим и му посакуваме многу успех во понатамошната кариера – стои во објавата на ФФМ.

Воедно, од федерацијата известуваат дека е донесена одлука за раскинување на договорот со Љупчо Трајковски.

Трајковски кој ја извршува функцијата спортски директор на фудбалскиот клуб Тиквеш, беше ангажиран како тренер во Спортската академија на ФФМ за генерација 2011 и асистент на селекторот Горан Станковски во репрезентацијата до 15 години.