Ван Перси: Докажете дека Арсенал ми нудеше договор и ќе ви дадам 1 милион фунти!
Холандската фудбалска легенда не жали поради трансферот во Манчестер јунајтед со кој успеа да освои шампионска титула.
Поранешниот холандски репрезентативец вели дека основата на неговата одлука да го облече дресот на Манчестер јунајтед во 2013 година е неможноста на Арсенал да му понуди навреме нов договор.
Договорот на Робин Ван Перси сè уште предизвикува многу негативни емоции во срцата на навивачите на „топчиите”, особено откако Холанѓанецот им помогна на „црвените ѓаволи” да ја освојат титулата во истата сезона.
Но, според стрелецот, одлуката во голема мерка била диктирана од фактот дека тој не добил предлог за нов договор на „Емирати”.
?️ Van Persie accuses Arsenal of not offering him a contract before Man Utd move:
"I can promise you on my kids, if someone comes with proof that Arsenal offered me a deal, I will give you a million [pounds] now, today." pic.twitter.com/1Fj46f7VBu
— Goal Singapore (@Goal_SG) April 22, 2020
– Се обвинувам често за овој трансфер, но ќе се заколнам во моите деца дека доколку некој докаже дека Арсенал ми понудил договор, тогаш ќе му дадам 1 милион фунти овде и сега.
Одлуката беше на Арсенал да не ми понуди нов договор. По многу дискусии стана јасно дека имавме различни визии за клубот. Имав список со седум поенти за тоа како да се врати клубот на врвот, но Иван Газидис не се согласи со ниту една од нив. Тоа беше негово право, се разбира – рече Ван Перси.
Холанѓанецот тврди дека лондонската екипа не му понуди нов договор, односно не се согласија со неговите предлози за клубот:
– Предлозите беа многу искрени и се фокусираа само на доброто на тимот. Но, тоа е животот и јас сум задоволен од развојот на нештата. Нема што да се жалам, се преселив на „Олд Трафорд“ и ја освоив титулата – додаде Ван Перси.