Одборот на Европската агенција за лекови (ЕМА) денеска препорача обилното менструално крвавење да се додаде на листата несакани ефекти од мРНК-вакцините против ковид-19, произведени од компаниите „Модерна“, како и од „Фајзер“/„БиоНТек“.

Извештаи за обилни менструации, кои се дефинираат како „крвавење со зголемен волумен и/или времетраење што го попречува квалитетот на животот“ се забележани во клиничките испитувања, од случаите во реалниот свет и во медицинската литература, соопшти ЕМА.

Случаите – кои беа главно не се сериозни и се привремени по природа – беа пријавени по првата, втората и засилената доза на вакцините, се додава во соопштенито.

Регулаторот сега заклучи дека постои барем „разумна можност” обилно менструално крварење да е причински поврзано со овие вакцини.

Менструалните нарушувања може да се појават поради повеќе причини, вклучувајќи хронични болести, стрес и замор. Здравствените власти нагласија дека се евидентирани вакви случаи и по заболување од Ковид-19.