Жена од Загреб денеска доживеала непријатна ситуација во автобусот кога еден постар маж до неа почнал да мастурбира сред бел ден, објави dnevnik.hr.

„Денес, автобус Шпанско 136 тргнува од Чрномерац во 13:09 часот. „Господинот“ седна и се потпре на мене за по неколку моменти да го видам ова“, напиша авторката во Фејсбук групата „Закај волим Шпанско“, во која сподели и видео од гнасниот чин.

Како што вели, пред да се оддалечи од него, успеала да го сними и најави дека ќе ја извести полицијата за инцидентот.

„Стоев до него една минута за да го снимам, бидејќи овој лудак еден ден ќе седи до нашите деца и ќе ги натера да се чувствуваат понижени и бедни како што сум јас сега“, додаде таа.