Македонската теквондистка Милијана Рељиќ запиша уште еден успех на меѓународната сцена, освојувајќи бронзен медал на силниот Фуџарија Г-2 Опен, кој викендов се одржа во Обединетите Арапски Емирати.

Рељиќ турнирот го започна со сигурна победа во првата борба, совладувајќи ја Ју Јеук Чан од Хонг Конг со 2:0 во рунди. Македонската спортистка продолжи со одличните настапи и во борбата за бронзениот медал, каде беше подобра од мароканската претставничка и олимпијка Нада Лаарај, исто така со убедливи 2:0 во рунди.

Во полуфиналето, Рељиќ се соочи со Иранката Косар Асасех, но мечот заврши несреќно за македонската натпреварувачка. По само 10 секунди борба, поради повреда беше принудена да ја предаде борбата и да се повлече од натпреварувањето.