Уште еден играч на Сити направи трансфер во Барселона
Откако претходно беше промовиран Серхио Агуеро, денеска Барселона го презентираше и второто засилување…
Каталонскиот гигант во утринските часови објави дека Ерик Гарсија ќе потпише договор кој ќе трае до крајот на сезоната 2025/26.
Откупната клаузула на 20-годишниот централен бек ќе изнесува 400 милиони евра. Договорот на младиот Шпанец со Манчестер сити истекува, а од 1 јули целосно ќе се фокусира на обврските во Барса.
Ова е враќање за Гарсија на „Камп Ноу“, дефанзивецот беше дел од Академијата на Барселона во 2008 година и го продолжи неговиот развој во „Ла Масија“ до 2017 година кога се пресели во Англија и вкупно четири сезони беше дел од Сити, поточно за У19, У23 и првиот тим.
Со „граѓаните“ успеа сезонава да ја освои титулата во Премиер лигата, беше финалист во Лигата на шампионите, а има и по еден трофеј во Лига купот и ФА Комјунити Шилд.
✍️ @ericgm3
💙❤️ #EricCuler— FC Barcelona (@FCBarcelona) June 1, 2021