Унгарија го поддржува Косово, обврските за визна либерализација се исполнети
Премиерот на Република Косово, Авдула Хоти, го прими новиот амбасадор на Унгарија на Косово, Јозеф Бенце. Тие на средбата разговараа за односите меѓу овие две земји.
„Унгарија смета дека Косово ги исполни сите обврски за визна либерализација“, рече амбасадорот Јозеф Бенце, кој го увери премиерот Хоти дека Унгарија ќе продолжи да ја поддржува понатамошната агенда за евроинтеграции на Република Косово.
Во соопштението од кабинетот на премиерот се вели дека премиерот Хоти изрази благодарност на Владата и граѓаните на Унгарија за постојаната поддршка што Унгарија ја даде и ја дава на Косово.
На оваа средба, новиот унгарски амбасадор ја потврди поддршката што Унгарија ќе ја даде со заем од 62 милиони евра што се очекува да биде ратификуван од Собранието на Косово.