Златните рипки се популарни домашни миленици, но одамна можат да се најдат и во природата. Така, Британецот Ли Паркер неодамна фати една златна рипка тешка дури 28 килограми во езерото Влувотер, Франција, пишува „Дејли мејл“.

Тој е еден од најголемите примероци од ваков вид во светот, а има дури и прекар – „Морков“. Оваа златна рипка била внесена во езерото пред 20 години, а многу риболовци се обиделе да ја фатат. Само неколку успеаја досега.

Британецот признава дека му биле потребни 25 минути за да го извлече портокаловото „чудовиште“ на брегот и дека за малку ќе завршел во водата.

„Со сета сила го држев стапот и ги вкопав петите во калливиот брег. По тешка борба ја ставив рибата во мрежата и ја извлеков“, додал тој.

Рибата е измерена, направени се неколку фотографии за спомен, а потоа е вратена во водата. Тоа е хибриден вид на златна риба вкрстена со јапонски крап, што рибарите ретко го гледаат.

„Во изминатите 20 години таа само расте, но е во одлично здравје“, изјавил менаџерот за рибарство Џејсон Каулер.

Фотографиите од Британецот и неговиот улов станаа вирални на мрежите, а корисниците беа шокирани од големината на златната рипка.

„Колку желби исполнува?“; „Помеѓу три и 300“, беа некои од коментарите.

British angler catches the world’s biggest GOLDFISH at 61lb 4oz https://t.co/lkCsmdgpLC

— Daily Mail Australia (@DailyMailAU) July 26, 2024