УЕФА: Русија нема да биде во жрепката за квалификациите за ЕП 2024
Извршниот комитет на УЕФА денеска се состана во Хвар, Хрватска и ја одобри процедурата за претстојната жрепка за квалификациите за Европското првенство во 2024 што ќе се одржи на 9 октомври годинава напладне во Франкфурт.
Германија, како домаќин организатор автоматски се квалификува за континенталниот собир и затоа не учествува во квалификациската жрепка.
Сите руски тимови во моментов се суспендирани по одлуката на Извршниот комитет на УЕФА од 28 февруари 2022 година, која дополнително беше потврдена од Судот за спортска арбитража на 15 јули 2022 година. Затоа Русија нема да биде вклучена во жрепката за квалификациите за пласман на ЕП 2024.
Во квалификациската жрепка учествуваат 53 национални асоцијации кои ќе ги распределат националните репрезентации во 10 групи, седум групи од по пет репрезентации и три групи од шест репрезентации.
Десетте победници од групите и десетте второпласирани селекции ќе се најдат на Европското првенство. Преостанатите три места ќе се дознаат преку плеј-офот што ќе се игра во март 2024 година. 53-те тимови-учеснички се распоредени според севкупното рангирање на УЕФА Лигата на нации за 2022/23 година и поделени во седум шешири.
🏆 🇩🇪 The qualifying system for #EURO2024 has been finalised. Hosts Germany qualify automatically, with 53 nations vying for the other 23 places.
🔟 group winners and 10 runners-up qualify for the finals.
3️⃣ spots decided by play-offs in March 2024.
Full info: ⬇️
— UEFA (@UEFA) September 20, 2022