УЕФА привремено го суспендираше фудбалерот на португалскиот клуб Бенфика, Џанлука Престијани на еден натпревар по инцидентот со напаѓачот на Реал Мадрид, Винисиус, во првиот натпревар од плејофот на Лигата на шампионите, соопшти во понеделник управното тело на европскиот фудбал.

Аргентинецот Престијани ќе го пропушти реваншот во среда на „Сантијаго Бернабеу“, потсетување, Реал Мадрид триумфираше со 1:0 во првиот натпревар одигран во Лисабон.

Познато е дека Бразилецот Винисиус Жуниор го обвини Аргентинецот за расно навредување, УЕФА веднаш покрена истрага, и иако таа не е целосна, има право да го суспендира, што и го искористи.

УЕФА се повика на правило во своите правилници кое ѝ дозволува да суспендира играч кој е под истрага, па Престијани нема да може да му помогне на својот тим да ја анулира негативата против Реал Мадрид.

Возвратниот дуел помеѓу Реал Мадрид и Бенфика е закажан за в среда од 21.00 часот.

🚨 UEFA statement on Prestianni case.

“Following the appointment of a UEFA Ethics and Disciplinary Inspector (EDI) to investigate allegations of discriminatory behaviour during the UEFA Champions League 2025/2026 Knock-out Play-off match between SL Benfica and Real Madrid CF on… pic.twitter.com/H1ISOHv2iw

— Fabrizio Romano (@FabrizioRomano) February 23, 2026