Убиен српскиот ММА борец Стефан Савиќ, освојувач на бронза од Светско првенство
Српскиот ММА борец Стефан Савиќ (23) починал утринава од убодни рани синоќа во 0:55 часот во центарот на Белград, потврди „Спорт Клуб“.
– Двајца мажи се повредени од убодни рани синоќа во Белград, од кои едниот починал во Ургентниот центар – соопшти утринава Н1.
Подоцна во текот на денот се појавија неофицијални информации дека се работи за српскиот ММА борец Стефан Савиќ (23). Вистината на тие наводи околу пладне ја потврди ММА федерацијата на Србија.
– Со длабоко жалење ве известуваме дека нашиот млад репрезентативец Стефан Савиќ трагично почина во раните утрински часови – објавија од федерацијата.
Савиќ, српски репрезентативец и освојувач на бронзен медал на Светското првенство во ММА.
Најголемиот успех во кариерата го направи на крајот на 2023 година. Тогаш српскиот претставник ја освои бронзата на Светското првенство во аматерска ММА што се одржа во Тирана, Албанија.