Најбараниот човек во Мексико и водач на страшниот нарко-картел „Нова генерација Халиско“ (CJNG) е убиен за време на безбедносна операција за негово апсење, објави Би-Би-Си повикувајќи се на соопштение на Министерството за одбрана на земјата.

Немесио Осегуера Сервантес, познат како „Ел Менчо“, почина додека бил транспортиран во главниот град Мексико Сити, откако бил сериозно повреден во судирите меѓу неговите поддржувачи и војската, се вели во соопштението на министерството.

Четири членови на картелот беа убиени, а уште двајца беа сериозно повредени во операцијата во градот Тапалпа, во централно-западната држава Халиско. Тројца припадници на војската беа исто така повредени.

„Нова генерација Халиско“ се прошири од својата првобитна база на моќ во Халиско и има речиси национално присуство низ цела Мексико.