Убавата актерка беше во врска со 16 години постариот колега, а сега го има популарниот Бали бег
Фахрие Евсен и Бурак Озџивит се во брак од 2017 година, а од минатата година го имаат синот Каран. Пред Бурак, актерката беше во љубов со познатиот Озчан Дениз.
Актерката Фахрие Евсен (34) и Бурак Озџивит (35) со улогите кои ги толкуваа во популарните турски серии ги освоија симпатиите кај публиката, но и се вљубија меѓусебно.
Тие деновиве привлекуваат внимание со одморот во Бодрум. Парот ужива во вилата, која ја купија минатата година за околу шест милиони куни.
Според локалните турски медиуми, Фахрие и Бурак на одморот уживаат на рибарски брод со шест вработени.
Откако парот беше фотографиран од папараците, актерката објави и фотографија со својот син Каран на Инстаграм.
„Ајде да изгледаме духовито како твојот татко“, напиша Фахрие во описот.
Бурак стана познат во серијата „Сулејман Величествениот“ како Бали бег, а женскиот пол лудуваше по него. Фахрие ја освои домашната публика во серијалот „Кога лисјата паѓаат“, а таа го запозна нејзиниот сопруг во сетот на серијата „Птицата која пее“. Така ја започнуваат својата врска и подоцна го снимаат филмот „Љубовта личи на тебе“, а тоа е моментот кога јавноста дозна за нивната романса.
„Страста се развиваше меѓу нас веднаш по запознавањето, тоа беше посебна енергија. Откако го снимивме филмот заедно, нашите односи станаа посилни и подлабоки”, објасни во една прилика Бурак.
Тие се венчаа во 2017 година во Истанбул по четиригодишна врска, а во 2019 година го добија синот. Покрај актерството, Фахрие е модел и беше заштитно лице на брендот „L’Oreal“.
Актерката е родена во Германија, а во Турција дошла поради понудата за улога во филм.
За турската јавност Евсен е позната и по љубовта со уште еден турски актер кој ги освои жените ширум светот, Озчан Дениз (48). Фахрие и Озчан се запознале во серијалот „Судбина“, а заедно поминале пет години. На македонската јавност Дениз и е познат со главната улога во серијата „Истанбулската невеста“.
Интересно е што актерката Фахрие и нејзиниот сопруг Бурак се нарекуваат турските Бранџелина, со што привлекуваат големо внимание на јавноста.