Убава вест: Пабло Ласо повторно го тренира Реал Мадрид
Само девет дена откако доживеа срцев удар, Пабло Ласо се врати на кошаркарскиот терен, тој присуствуваше на денешниот тренинг на Реал Мадрид. Сепак, Ласо нема да ја води екипата во првиот натпревар во финалето на шпанскиот плеј-оф против Барселона.
– Ви благодарам за илјадниците пораки што ми ги испративте. Невозможно е да се одговори на сите, затоа ви испраќам милион благодарници. Добар сум, веќе сум на тренинзи, но нема да бидам во Барселона со екипата – напиша Ласо на својот профил на Твитер.
Buenos días.
Gracias por los miles de mensajes que me habéis hecho llegar.
Imposible responderos a todos, millones de gracias.Estoy muy bien, ya entrenando, aunque hoy no estaré presente en el Palau. pic.twitter.com/oVFQmWMnNU
— Pablo Laso (@pablolaso) June 13, 2022
Екипата на Реал Мадрид во првиот натпревар против Барселона ќе ја води неговиот помошник Хесус Матео кој ја водеше екипата и во третиот натпревар од полуфиналето против Басконија.
– Се уште не знам дали ќе ја водам екипата за време на целата финална серија – изјави Матео.