Екипите на Вардар и Црвена Звезда на 16-ти април (среда) на Арената „Тодор Проески“ ќе се сретнат во хуманитарен натпревар, а сите средства ќе се донираат за настраданите од пожарот во Кочани.

Навивачите покажаа интерес и за овој дуел се продадени над 15.000 билети, а сега убав гест направија тројцката капитени на Вардар: Горан Закариќ, Филип Гачевски и Азер Омерагиќ.

Сите тројца купија по 50 билети, односно вкупно 150 со цел да ја поддржат акцијата за помош на семејствата на настрадаините.

Натпреварот се игра во терминот од 20:00 часот.