Уапсено момче кое лажно пријавило бомба во пресрет на самитот Г7
Британската полицијата го уапси 20-годишното момче од Фалмут кој лажно пријави бомба близу до просториите каде ќе се одржи самитот на Г7.
Фалмут Хотелот и останатите блиски згради беа евакуирани поради дојава дека има некаков сомнителен пакет во кој би можело да има експлозив, пренесува Би-Би-Си. Преку 100 луѓе беа евакуирани од објектите, додека полицијата ги изтражуваше просториите.
Откако го најдоа пакетот, антиексплозивната единица на Британија го оцени предметот како безбеден, и изјавија дека станува збор за лажна дојава.
Момчето кое се јавило на полицијата е уапсено поради лажна дојава и моментално се наоѓа во притвор.
Претседателот на САД, Џое Бајден е моментално во Велика Британија и престојува во Карбис Беј, што се наоѓа на 40 километри од Фалмут, каде ќе се одржи неговиот состанокот со британскиот премиер Борис Џонсон, на самитот Г7.