Турските власти го уапсија и адвокатот на Екрем Имамоглу, Мехмет Пехливан, како дел од истрагата за корупцискиот случај за кој на градоначалникот на Истанбул му е одреден притвор. Пехливан беше уапсен врз основа на налог издаден од Одделот за спречување на перење пари на Обвинителството во Истанбул.

Според соопштението, против адвокатот на Имамоглу се води истрага за „перење пари од имот добиен од криминални активности“.

По апсењето, Пехливан бил однесен во болница за да го прегледаат лекарите, процедура неопходна за негово префрлање во полициските канцеларии во Истанбул.