Педесетгодишната италијанска бизнисменка Милена Манчини почина по 20 дена на интензивна нега во Универзитетската болница во Истанбул, објави Раи.

Според италијанската новинска агенција Анса, Манчини била хоспитализирана по проблем за време на липосукција во Истанбул.

Agente immobiliare, Milena Mancini è figlia dell’industriale Alvaro Mancini, tra i fondatori e dirigente della Indexa SpA, specializzata nella manutenzione e nei servizi industriali. La sorella Rita è una biologa di fama https://t.co/spztFRBj27

— RaiNews (@RaiNews) October 20, 2025

Според непотврдени медицински извештаи, жената наводно претрпела повреда на стомакот за време на процедурата.

50-годишната жена била агент за недвижности и ќерка на индустријалецот Алваро Манчини, еден од основачите и директорите на Indexa SpA, компанија специјализирана за индустриско одржување и услуги. Нејзината сестра, Рита, е познат биолог кој работи во Рим, каде што предава и на Универзитетот Ла Сапиенца. Таа имала две ќерки.

Според „Раи“, италијанскиот конзулат во Истанбул бил во контакт со семејството од 18 септември, датумот на извештајот од болницата, пружајќи помош и следејќи ја ситуацијата.

Последното ажурирање било на 7 октомври, кога роднините пријавиле подобрување на клиничката состојба. По веста за смртта, дипломатската мисија побарала појаснување од болницата за да ги утврди причините за ненадејното влошување.