Тропската бура Хенри во неделата стигна до североисточниот брег на САД, погодувајќи го со силен дожд и силен ветер.

Националниот центар за урагани објави дека бурата го погодила крајбрежјето во близина на градот Вестерли, во сојузната држава Род Ајленд, а ветерот достигнал брзина од околу 95 километри на час.

Гувернерот на Род Ајленд, Ден Меки, рече дека очекува „сериозни последици од силните ветрови, прекини на електричната енергија и поплави“ наутро.

Предупредување за ураган е издадено за Лонг Ајленд, Род Ајленд и Конектикат.

За повеќе од 35 милиони луѓе е издадено предупредување за поплави.

Американскиот претседател Џо Бајден вети помош на седум држави кои се зафатени од бурата.