Трофејот во Лигата на Европа, обоен во „сино“ (ВИДЕО)
Англискиот премиерлигаш Челси е победник во Лигата на Европа откако во финалето го совлада градскиот ривал, Арсенал, со 4:1 и тоа благодарение на фантастичното второ полувреме.
Арсенал подобро го започна натпреварот, беше доминантен во првите 30-тина минути но не успеа да создаде посериозна шанса и на полувремето се отиде без голови. Во второто полувреме на теренот имаше само една екипа, Челси во чии редови, Еден Азар, имаше „кралски“ настап со два постигнати голови.
Резултатот го отвори Оливие Жиру на стартот од вториот дел, а Педро и Азар за пет мунити, во 60. и 65. минута ја навестија победата на Челси. Арсенал возврати преку Ајоби во 69 минута, но Еден Азар кој го имаше последниот настап за „сините“ од Лондон пред преселбата во Реал Мадрид во 72. минута го постави конечниот резултат.