Тринаесет затвореници од „Идризово“ во самоизолација: Засега никој не развил симптоми на коронавирус

Коронавирусот во затворот го внесе затвореник од Велес кој бил на викенд отсуство.

Тринаесет затвореници од казнено-поправниот дом „Идризово“ се во самоизолација бидејќи биле во затворски оддел каде престојувал и осуденик за кој веќе е потврдено дека е заболен од коронавирус. Други двајца затвореници кои пак имале непосреден контакт со заболениот велешанец, се негативни на вирусот. Tие засега се во добра здравствена состојба и никој од нив немал потреба од болничко или арестанско згрижување.

Драматичната состојба во К.П.Д. „Идризово“ започнала кога велешанец на педесетгодишна возраст, самоиницијативно побарал викенд отсуство. Од страна на затворските власти тоа му било дозволено во период од 24 до 27 јуни. Но, на 30-ти минатиот месец се пожалил на покачена температура поради што веднаш бил изолиран од другите осуденици во затворското крило. Му бил направен тест на коронавирус, кој бил позитивен.

Прочитајте и...  Заев: Во ЕУ ќе влеземе како Македонци кои зборуваат македонски јазик

Во извршената епидемиолошка анкета велешанецот навел дека не може да посочи дека се сретнал со некого кој бил позитивен на коронавирус или пак бил во изолација, или кој било сомнителен случај. За средбите кои ги имал додека бил на викенд отсуство во Велес изјавил дека биле кратки, така што не може да каже од кого се заразил. Велешанецот е во посебна просторија во самоизолација.

Затворските служби, како што велат од затворот „Идризово“ веднаш во самоизолација од 14 дена го ставиле целото крило бидејќи сите затвореници се соба до соба и имале меѓусебен контакт. Во изолација е и Сеад Кочан кој е осуден на 4,8 години затвор од страна на Апелациониот суд, а по обвинението кое го застапуваше пропаднатото СЈО за предметот „Труст“.

Прочитајте и...  Бајден ја разгледува кандидатурата на генерал Остин за шеф на Пентагон

До денес ниту еден од изолираните затвореници не развил симптоми, а доколку дојде до таква состојба осуденикот веднаш ќе биде препратен во алтернативната опција, односно арестанскиот објект за лекување во склоп на Клиничкиот центар во Скопје.

Затворските власти велат дека од започнување на пандемијата на коронавирусот ги имаат преземено сите неопходни мерки за заштита на персоналот и на осудениците. Сите тие биле запознаени дека треба да ги почитуваат мерките за заштита, да носат заштитна маска, да одржуваат дистанца и да не се групираат.

За 15-ти овој месец се закажани вонредните избори во земјава, а ден пред слободните граѓани, право на глас ќе остварат лицата кои се на издржување на казна затвор во сите казнено-поправни домови, меѓу нив и тие од најголемиот затвор во земјава, КПД „Идризово“. Во овој затвор право на глас имаат 1.050 затвореници. Тие ќе гласаат на 14 јули, под посебни протоколи.

Прочитајте и...  Силвестри: Европското чекорење на земјите кандидатки треба да се држи настрана од проблематики вкоренети во историјата

Поврзани вести

Наумовски: Оптимист сум дека ќе изнајдеме решение!

Слободен печат

Србија денеска со рекорден број жртви, Косово ја надмина бројката на илјада починати

МИА Агенција

Кафуле во Радовиш не ги почитувало протоколите, заработи кривична пријава

Слободен печат

ВМРО-ДПМНЕ обвинува за тајни средби во Софија на владини претставници

Лука Андреев

Спречен шверц на кафе од Албанија

Слободен печат

„Весна”: Повеќе од 20 активисти уапсени на протестите во Минск

Слободен печат

Остави Коментар

MacedonianAlbanian