Пратеникот на Социјалдемкратскиот сојуз на Македонија, Фатмир Битиќи, вечерва во гостување на ТВ „21“ рече дека е важно да се зголеми минималната плата во државата.

„Да, минималната плата треба да се зголеми. Стопанствениците исто така укажуваа дека е сериозно потребно да се зголеми минималната плата за да се задржат работниците во државата и за да се обезбеди сигурност на луѓето кои се важни за компаниите. Владата треба да интервенира преку различни модели, кои се општо познати и применувани низ светот, бидејќи не може да се штити само едната страна – стопанството. Работниците исто така мора да бидат заштитени“, рече Битиќи.

Тој додаде дека неговата визија е секој работник да добива достоинствена плата, потенцирајќи дека во минатото зголемувањето на минималната плата од 9.000 на 23.000 денари е пример за такви политики.

„Верувам дека секој еден работник заслужува достоинствена плата“, вели Битиќи.