Средбата меѓу претседателите на Соединетите Американски Држави и Русија, Доналд Трамп и Владимир Путин, ќе се одржи денес во 11:00 часот по локално време во Енкориџ, Алјаска, објави Белата куќа.

Според централноевропското време, состанокот треба да започне во 21:00 часот. Според претходните најави, почетокот на самитот беше закажан да започне во 11:30 часот по локално време, односно во 21:30 часот по средноевропско време, и ќе се одржи во воената база Елмендорф-Ричардсон во Енкориџ.

Според официјалниот распоред, Трамп ќе ја напушти Белата куќа во 6:45 часот по источно време, а ќе го напушти Енкориџ во 17:45 часот по локално време, објави Ројтерс. Американскиот претседател треба да се врати во Вашингтон рано наутро во сабота.