Трагедија во Србија, почина тренерот на прволигашот ТСЦ, Золтан Сабо
Поранешниот фудбалер на Партизан, и актуелен тренер на ТСЦ, Золтан Сабо почина на 49-годишна возраст.
Според првичните информации, познатиот тренер починал од срцев удар.
Засега е познато дека Сабо никогаш не бил позитивен на коронавирус бидејќи фудбалерите и стручниот штаб на српскиот прволигаш редовно се тестираат на ковид-19 пред натпреварите од Суперлигата.
Золтан Сабо од 2017 година е тренер на екипата на ТСЦ од Бачка Топола со која минатата сезона заврши на четвртото место во српската Суперлига и обезбеди пласман во квлаификациите за Лигата на Европа каде испадна по неверојатниот натпревар со Стеауа кој заврши 6:6.
Сабо професионалната кариера има настапувано за Хајдук Кула, Војводина, Партизан, Сувон, Фукуиока, Залаегерсег, АЕК.