Денеска во 20 коло од најсилниот белгиски фудбалски шампионат фудбалерите на Дендер ремизираа на гости кај КВ Мехелен со резултат 1:1.

Домаќините поведоа со голот на францускиот интернационалец Теренс Куду во осмата минута од натпреварот.

Гостинската екипа успеа да постигне гол непосредно пред паузата преку Бруни Нсимба, но истиот беше поништен поради играње со рака по ВАР снимката.

Македонскиот фудбалер Давид Тошевски успеа да донесе израмнување во 61 минута по асистенцијата на Брајан Гонсалвеш.

За Тошевски ова е четврти гол сезонава во првенството.

На табелата во шампионатот Дендер останува на последното 20 место со 13 бодови.

Во следното коло Тошевски и неговите соиграчи на 18 јануари ќе го пречекаат Антверп.