Вчера по полноќ, вистинска драма се случувала на скопскиот булеват „Митрополит Теодосиј Гологанов“ во населбата Тафталиџе, каде двајца тинејџери, кои имале по 16 години, не запреле на знак и удриле во полицаец, повредувајќи го. Тие потоа избегале, но биле фатени по околу половина час, велат од МВР.

„На 09.01.2026 во 00:45 часот во Скопје, на подрачјето на Карпош, полициски службеници од СВР Скопје лишија од слобода и приведоа двајца 16-годишници од Скопје. При вршење службени дејствија, околу 01:10 часот на бул.„Митрополит Теодосиј Гологанов“ во Скопје, полициски службеници забележале мотоцикл без регистарски ознаки, кој го управувал еден од малолетниците, но тој не застанал на знак за запирање, по што со мотоциклот удрил во еден полициски службеник и му нанел повреди. Набргу, по преземени мерки мотоциклот е запрен и тие се фатени, при што малолетниот сопатник агресивно се однесувал кон полициските службеници. По целосното документирање на случајот, против двајцата ќе бидат поднесени соодветни пријави“, пишува во полицискиот билтен.

Загина работник од Дебар, паднал од зграда додека местел прозорци