Тинејџер во американската сојузна држава Вашингтон преживеа пад од 120 метри од кањон со само „минимални повреди“, соопшти локалната полиција.

Како што пренесува Би-Би-Си, тој бил спасен во „безбедна и успешна операција“. Локалната противпожарна служба извести дека тинејџерот има 19 години и има „неверојатна среќа“ што е жив.

Младиот човек бил на планинарење. „Тој одеше по многу стрмниот раб на патеката што исто така е необележана“, рече Метју Веландер, шеф на противпожарната служба.

„Се лизна сè до реката“, им рече Веландер на новинарите од местото на настанот.

Момчето превентивно е пренесено во болница. Властите повторно ги потсетија луѓето да не пешачат во областа, која се вели дека е опасна и за пешаците и за спасувачите. Секоја година на тој локалитет се евидентираат несреќи со загинати.

„Им кажавме на луѓето да се држат подалеку од овие патеки бидејќи се опасни, но луѓето или не ги видоа знаците за предупредување или ги игнорираа“, изјави полицаец вклучен во спасувањето.