Раководството на шпанскиот фудбалски клуб Реал Мадрид и голманот Тибо Куртоа се согласија во преговорите за нов договор.

Според информациите од весникот „Марка“, белгискиот голман ќе ја продолжи соработката со „Кралевите“ до 2027 година.

Претходниот договор на Белгиецот беше до летото 2026 година, но ќе биде продолжен за уште една сезона.

Новиот договор ги отстранува сите клаузули во врска со бројот на одиграни натпревари и условите за ново продолжување.

Сите детали од новиот договор се веќе разјаснети и се очекува само официјално соопштение од Реал.

Куртоа ќе започне со тренинзи со шпанскиот гигант на 4 август. Тој пристигна на „Сантијаго Бернабеу“ во 2018 година од Челси.