Во време кога секојдневието често се претвора во низа обврски и брзи одлуки, понекогаш ни е потребен мал момент на тишина, знак, порака или симбол што ќе нѐ потсети на она што навистина го чувствуваме. Овие карти не се тука за да ја предвидат иднината, туку да ви помогнат да се слушнете себеси. Во овој тест на личноста, потребно е само да изберете карта, пишува „Сенса“.

Инаку, психолошкиот тест е метод што се користи за мерење и процена на различни аспекти на човечкото однесување, способности, особини на личноста и менталното функционирање.

Застанете за момент, вдишете длабоко и изберете ја онаа карта што најмногу ве привлекува. Токму во тој избор се крие пораката што ви е потребна да ја слушнете.

Карта 1

Време е да се ослободите од товарот на минатото. Во вас можеби сѐ уште постојат неизговорени зборови, непростени ситуации и емоции што тивко ве оптоваруваат. Простувањето не е слабост, туку чин на внатрешна сила. Простете им на другите, но уште поважно – простете си себеси. Само тогаш раните почнуваат да заздравуваат.

Мала вежба за внатрешен мир: Затворете ги очите и дишете длабоко. Со секое издишување пуштете го она што ве боли. Замислете ги луѓето на кои им замерувате како деца. Запрашајте се: што навистина ја заслужува вашата енергија? Старите повреди или новиот почеток?

Карта 2

Вие сте креатор на својот свет, дури и кога не сте свесни за тоа. Луѓето и ситуациите што ви се случуваат често се одраз на вашите внатрешни уверувања. Не прифаќајте помалку од она што го заслужувате. Подигнете ги своите стандарди и дозволете си да посакате повеќе, затоа што вредите повеќе отколку што мислите.

Мала вежба за зајакнување на енергијата: Замислете се себеси како седите во топлина од светлина, лесни и смирени, и чувствувате како ве обвиваат сигурноста и силата. Останете во тоа чувство додека не се исполните со мир и самодоверба.

Карта 3

Можеби е време да го промените кругот на луѓе или начинот на кој комуницирате. Опкружувањето има моќ да ве издигне или да ве задржи на истото место. Не дозволувајте туѓата критика да ве дефинира. Отворете се за нови средби и можности, бидејќи токму таму може да започне вашата промена.

Мала вежба за остварување желби: Замислете нешто што ви изгледа невозможно. Почувствувајте како веќе да е реалност. Изговорете ја мантрата: „Знам дека е возможно“. Повторувајте додека не почувствувате вера во тие зборови. Кога ќе поверувате, веќе сте на половина пат.

Карта 4

Во секој од нас постои и сенка, делот што го криеме. Токму во неа се крие сила што сѐ уште не сме ја ослободиле. Прифатете ги сите свои мани и не плашете се да живеете автентично. Ризикот носи промена, а промената води кон животот каков што го посакувате.

Мала вежба за поврзување со себе: Сетете се на момент кога сте постигнале нешто што силно сте го посакувале. Почувствувајте ја таа радост повторно. Замислете дека стоите пред извор на мудрост и нека тоа стане ваш внатрешен водич. Поставете прашање, слушнете го одговорот и заблагодарете се. Верувајте дека сте водени по вистинскиот пат.