Сообраќајна несреќа се случила вчера околу 20.30 минути на крстосница од ул.„Антон Попов” и ул.„Мишко Михајловски” во Скопје. Во несреќата учествувале автомобил од марката „дачија” управувано од В.М.(48) и и мотоцикл со управуван од Б.З.(21) од Скопје. Мотоциклистот со тешки телесни повреди бил пренесен во Комплексот клиники „Мајка Тереза”.

„На 31.08.2023 околу 20.30 часот во СВР Скопје било пријавено дека на крстосница од ул.„Антон Попов” и ул.„Мишко Михајловски” во Скопје се  случила сообраќајна несреќа помеѓу патничко моторно возило „дачија” со скопски регистарски ознаки, управувано од В.М.(48) од Скопје и мотоцикл со скопски регистарски ознаки, управуван од Б.З.(21) од Скопје. По несреќата, возачот на мотоциклот Б.З. бил пренесен во Комплекс клиники „Мајка Тереза” – Скопје, каде му биле констатирани тешки телесни повреди, додека сопатничките од возилото „дачија” – А.М.(50) и А.Ѓ.(29), двете од Скопје, биле пренесени во Градската општа болница „8 Септември”, каде што на А.М. и биле констатирани телесни повреди, а на А.Ѓ. и биле констатирани тешки телесни повреди“, информираат од МВР.

Увид на местото на настанот извршила екипа од СВР Скопје.