Од 1 јули, Европската Унија воведува царинска такса од три евра по артикл во пакети што пристигнуваат од земји надвор од ЕУ, што ќе го направи купувањето на онлајн платформи како што се „Тему“, „АлиЕкспрес“ и „Шејн“ уште поскапо, објави „Гардијан“.

Данок во износ од три евра ќе биде вклучен во основата за пресметка на ДДВ при увоз, а оваа мерка нема да се применува за стоки нарачани од земјите на Европската Унија.

Според „Гардијан“, потрошувачите би можеле да купуваат стоки во вредност до 150 евра, вклучувајќи мода, козметика и играчки, без никакви царински давачки според ослободувањето од „de minimis“, а од среда малите пакети под таа вредност ќе подлежат на нова царинска такса од три евра, а официјалните лица се надеваат дека крајот на политиката de minimis ќе го забави брзиот раст на увозот од Кина.

Европската комисија објави дека бројот на пакети со ниска вредност што пристигнуваат во блокот ќе се зголеми повеќе од четири пати, од 1,3 милијарди во 2022 година на 5,9 милијарди во 2025 година, од кои околу 90 проценти од пакетите доаѓаат од Кина, а конкуренцијата од онлајн платформите, вклучувајќи ги „Шејн“ и „Тему“, влијае на европските трговци.

Европскиот комесар за правда, Мајкл Мекграт, рече дека е шокиран од опасностите од некои од артикли што влегуваат во ЕУ преку de minimis рутата.

Истражувањето на ЕУ објавено денеска покажа дека 60 проценти од онлајн производите увезени од надвор од блокот не се во согласност со законодавството на ЕУ, што потенцијално ги става потрошувачите во опасност.

Минатиот месец, регулаторите на ЕУ ја казнија „Тему“ со 200 милиони евра за тоа што не успеа да ја спречи продажбата на нелегални и опасни производи.

Ќе се оданочуваат и купувањата од странство под 22 евра, удар врз ерата на Тему