Тешко повредена жена во сообраќајна несреќа што се случила синоќа на патот Охрид-Кичево, соопшти Министерството за внатрешни работи.

Според информациите, во несреќата повреден е и сопатник во истото возило со жената.

„На 17 март 2026 година во 22:30 часот, на магистралниот пат Охрид–Кичево се случила сообраќајна несреќа помеѓу патничко возило „ауди“ управувано од Х.К. (25) од село Мороишта и патничко возило „форд“ управувано од 40-годишна жена од село Мислешево. Во несреќата, возачката се здобила со тешки телесни повреди, додека нејзиниот сопатник Д.С. (41) се здобил со телесни повреди“ соопшти МВР.

Повредите биле констатирани во Специјалната болница „Св. Еразмо“ во Охрид. За настанот е известен јавен обвинител, а увид извршила екипа на СВР Охрид.