Теодор Симиќ ќе игра во НЦАА лигата за УТ Арлингтон од Тексас
Членот на најдобрата македонска кошаркарска репрезентација, Теодор Симиќ, ќе продолжи да настапува во НЦАА лигата.
Препорачано
Нашиот 22-годишен кошаркар кој игра на позицијата центар, донесе одлука да го облече дресот на Универзитетот Арлингтон од Тексас.
Потсетување, во рамките од НЦАА лигата настапува уште еден македонски кошаркар, Андреј Шошкиќ кој е дел од Универзитетот Јужна Флорида, а претходно играше за Стони Брук.
Во натпреварувачката сезона 2025/26 Симиќ играше за Кожув и во 27 настапи имаше просек од 10.0 поени, 6.9 скокови и 1.2 асистенција по меч.
Симиќ беше дел од школата на Барселона, па играше за шпанскиот клуб Прат, па направи трансфер во редовите на Борац Бања Лука од Босна и Херцеговина. Во нашата земја освен за Кожув, играше и за ТФТ Скопје.
Екипата на УТ Арлингтон оваа година се најде на третото место во Вестерн Атлетик дивизијата со учинок од 18 победи и 14 порази.
